CHEMUN DE URTIJËI
Scunanza di ensembles
Scunanza di ensembles - i fundamënc legislatives
L'art. 25 dla lege urbanistica provinziela 13/1997 ublighea duc i Chemuns a meter su na lista de imuvibli da meter sot ala scunanza di ensembles La lege ntënd sot a „ensembles“ n „adum de elemënc; tl particuler stredes, plazes, pertes edifichedes, parcs y verzons, y enghe i singoli elemënc che chisc imuvibli à, coche l vërt ntëurvia, pertes daviertes y eghes“. Chisc „possa unides sotmetudes tl plan urbanistich cumenel o ti plans de atuazion a na scunanza particulera, sce si mantenimënt ie debujën per motifs scientifichs, artistichs o de cultura dl luech y sce i nen ie nia stravardei da legi aposta“. Per chesta lege ie „la modifiches al ensemble te si adum sotmetudes al apruvazion dl Ambolt. Chësta apruvazion ie mesun me sce la modifiches ne muda nia te na mesura sostanziela l ensemble, sce l se trata mé de modifiches tempureres o sce per motifs de nteress publich iel debujen de fé modifiches.“ Aldò dl coma 3 dl medemo articul, dat ora cun la lege provinziela 26 lugio 2002, n. 11 che vel dai 07.08.2002, muessa i Chemuns fé chësta lista tl tëmp de 2 ani.
Criteres per l cumandé ora i ensembles
Cun la deliberazion di 04.11.2003 "Mesures per l'aplicazion dla scunanza di ensembles aldò dl art. 25 del lege provinziela 11.08.1997, n. 13" à la Provinzia Autonoma de Bulsan metù su i criteres per la mposizion dla scunanza di ensembles, ududa dant dal coma 4 dl medemo articul y à mo udù dant la formazion de n „Comitee de esperc per i ensembli“ cun 4 cumëmbri. I ensembles ie "udui dant tl plan urbanistich o ti plans de atuazion, sce i curespuend ad almanco 2 di criteres che vën do":
- Valor storich
- Carateristighes pitoriches
- Carater monumentel dla desposizion dla costruzions danter chëstes nstëss y danter chëstes y l ambient
- Cunotazion stilistiga, chel uel dì la uniterietà stilistiga o n mescedoz de stili desfrënc ului
- Figurabilità, coche la legibilità, l aparì o la capazità de urienté
- Panoramizità, coche ududes focalisedes o ududes al esterno o te prospetiva
- Memoria culetiva
- Permanenza dl mplant dl luech, y chel uel dì legibilità de n partimënt, de n program o de n at de fondazion, che à determinà la morfologia dl luech
- Permanenza dla tipologia de costruzion
- Elemënc naturei y de geomorfologia, carater naturel sce cunlieda al opra dla persones
