Lizënza per mené n eserzize publich
La giaurida, l ngrandimënt y l spusté de n eserzize publich ie sotmetui al duvier de na lizënza da pert dl ambolt. De regula vën la lizënza scrita ora per n tëmp zënza fin. Sciche eserzizies publichs vën cunscidrei chëi, ulache l vën jetà su velch, pità da maië y da bever y ulache l vën da d’albierch n forma prufescionela. Sotmetui a duvier de lizënza ie:
- eserzizies ulache l vën jetà su da bever (bar, café, ustaries, locai dal pier o dal vin)
- eserzizies ulache l vën pità da maië (ustaries, restaurants, pizzeries, y n.i.)
- eserzizies ulache l vën da d’albierch (garni, pensions, hotiei, motiei, y n.i.)
- eserzizies ulache l vën pità na autra sort d’albierch (ustaries da mont, campings, cëses y cuatieres per feries, cëses per jëuni).
L ne ie nia sotmetui a duvier de lizënza:
- eserzizies che fita via majons (normes aposta)
- ustaries de campania (normes aposta)
- huties di alpini (cumpetënza provinziela).
Cundizions:
- capazità de lauré y de pudëi se lascé lessù da pert de chël che damanda la lizënza
- cualifica prufescionela de chël che damanda la lizënza
- minonga dla cumiscion cumenela per i eserzizies publichs sun l bujën dl eserzize
- disponibeltà di locai o selfs.
Documënc:
- dumanda per la lizënza(cëla l formular dumanda per mené n eserzize publich)
- planimetria di locai y numer y data dla lizënza de se nuzé
- estrat dal register de chëi che po mené n eserzize publich
- documënt che desmostra la disponibeltà di locai
- minonga sanitera
- estrat dal register dl cumerz cun nota „antimafia“ (per sozieteies)
- copia dl at costitutif (per sozieteies)
- autorisazion de chël che mëina l eserzize (sce numinà)
Adum cun l scrì ora dla lizënza da l ambolt al eserzize la tlassificazion aldò di recuisic de cualità che l desmostra. L formular de tlassificazion pò unì damandà te chemun. Sce n eserzize publich vën sarà per n cer tëmp vën chësc fat al savëi per scrit al ambolt cumpetënt, dajan sëura la dureda. Sce n eserzize publich vën stlut vën chësc fat al savëi per scrit al chemun cumpetënt tl tiërmul de trënta dis. Tl cajo che i dërc de se nuzé dl eserzize publich vën sëurandac, sibe sce l se trata de n cuntrat danter vives o per gauja de mort, muessa uní damandá na autorisazion aposta al ambolt cumpetënt, presentan chisc documënc:
- dumanda de trascrizion dla lizënza
- copia autenticheda dl cuntrat registrà o
- copia autenticheda dl zertificat de arpejon
- iscrizion tl register de chëi che po mené n eserzize publich
- uriginel dla lizënza
- iscrizion tl register dl cumerz cun nota „antimafia“ (per sozieteies)
- copia dl at costitutif (per sozieteies)
- autorisazion de chël che mëina l eserzize (sce numinà)
