L Chemun fej a l savëi ala populazion che n merdi ai 7. de auril scumencerà i lëures per slargë la streda tla streda Cuca.
N scumencerà a frabiché tl raion dla ncrujeda dla streda Roma, Sneton y Cuca. I lëures jirà pona inant damprovia de viers de Martin.
Da canche i lëures de costruzion scumëncia, vën l tòch dessot dla streda Cuca śarà al trafich; la deviazion vën fata tres la streda Sobosch. L “senso unico” vën ntant tëut demez, l azes per i residënc ie n generel puscibl.
L possa unì a s’l dé che l azes ala cëses ne ie nia for mesun cun l auto, perchël vëniel resservà la plaza dai auti pra la curtina per i residënc dla streda Cuca y dla streda Doss.
L Citybus de viers dl luech furnea per la stredes Sobosch y Scurcià. La fermeda “Cuca” ne vën nia servida, perchël iel unì njenià doi fermedes provisores de viers dl luech pra la fermedes “Lastëi” y “Anderlan.” I sculeies y la sculées dla scola elementera possa zapé ora pra la fermeda “Anderlan”.
Danter i 07.04. y bonamënter i 23.04. ne vën pervia dl cantier tl raion dla ncrujeda streda Roma / Sneton / Cuca nce nia servides la fermedes “Plan de Mureda”, “Resciesa” y “Secëda” dala linies 355.3 (Costamula) y 355.4 (Grien).
L Chemun se proa a fé i lëures l plu aslune y a puntin che la va y a tenì l manco melsté che la va. Rengrazion per Vosta cumprenscion y cunlaurazion.
