Sota cumerz sun sperses publiches ntëndun l vënder prodoc y dè òra da maië y da bever sun sperses publiches o sun sperses privates de chëles che l chemun á la disponibeltá, che les sibe anjiniedes ite o no, curides o no. Per l cumerz sun sperses publiches adrovun na autorisazion. L cumerz sun sperses publiches possun fé:
- sun sperses dates n cunzescion per plù ani per unì adurvedes un, plù o duc i dis dl ena o dl mëns;
- sun uni spersa, sce l se trata de cumerz ambulant.
La autorisazion per l cumerz scrit su al prim pont vën fata dal Ambolt, aldò dla sperses che ie da garat per chësc. Chësta autorisazion da ënghe l dërt de vënder sciche ambulant sun la spersa dla provinzia. L’autorisazion per l cumerz scrit su al segondo pont vën fata dal assessëur provinziel cumpetënt. L’autorisazion vën fata, aldò di setëures de marcianzia, a persones, cooperatives o sozieteies de persones. Tla dumanda per giaté l’autorisazion iel da dé sëura:
- l inuem;
- la residënza o la sënta;
- la zitadinanza;
- l setëur de marcianzia per chël che n se dumanda l’autorisazion;
- che n á i recuisic morai y prufescionei;
- che n ie scric ie tl register dla firmes (nia sce l se trata de na firma nueva mo nia scrita ite).
Recuisic:
- che chël che dumanda ie bon de fé y che n possa se fidè;
- cualificazion prufescionela per l setëur di alimenteres;
- che l ie lueges uetes.
Documënc:
- dumanda per l’autorisazion;
- mustré su la cualificazion prufescionela (per l setëur di alimenteres);
- vester scric ite tl register dla firmes cun la detlarazion „antimafia“ (per sozieteies).
Per l cumerz sun sperses publiches vel la normes de igiena y sanitá n cont ala butëighes de alimenteres y nia alimenteres y chëles n cont a dé òra da maië y da bever.
