Duta la lies, assoziazions y unions dl luech possa fé dumanda al Chemun per n cuntribut per l ann 2024.
CUNTRIBUC URDINERES:
Per giapé n cuntribut urdiner muessa unì mandei
ite chisc documënc nchina ai 31.01.2024 tl ufize
secretariat de chësc Chemun (formuleres ie n cajo da giaurì):
- dumanda de cuntribut;
- relazion sun l'atività dl ann dant;
- rendicont 2023;
- program dla atività per l ann 2024;
- preventif de spëisa y plann de finanziamënt 2024;
- statut y at costitutif (sce mo nia dat ju).
La dumandes che ne à nia duc i documënc a post y
chëles che unirà dates ju al'aministrazion cumenela do l 31.01.2024, ne unirà nia tëutes n cunscidrazion per l ann 2024.
CUNTRIBUC STRAURDINERES:
L dà la puscibeltà de damandé de n cuntribut
straurdiner. Chësc ie l cajo sce vën metudes a jì manifestazions,
scumenciadives o proiec che nteressea duta la cumenanza dl luech o
sce vën fat vel atività de natura straurdinera o vel gran compra.
Te chisc caji muessa unì dac ju chisc documënc:
- dumanda de cuntribut;
- descrizion dla manifestazion o compra o auter;
- preventif de spëisa y plann de finanziamënt cun la spëises y ntredes tla atività, manifestazion o compra;
- pra na manifestazion, program.
Per duta la spëises ududes dant canche l cuntribut ie unì cunzedù, muessen purté la contes o i documënc de spëisa. Tl cajo che n fej me na pert dl'atività o dla nvestizion, uniral paià ora n cuntribut pruporziunalmënter
smendrà dla soma cunzeduda a scumenciamënt.